Raffle, cash na papremyo sa PTT Run

MANILA, Philippines - Mamimigay ng cash at raffle na papremyo ang kauna-unahang PTT Run for Clean Energy sa July 16 sa Cultural Center of the Philippines (CCP) Grounds. Mga android phones, mountain bike, 50 gift packs mula sa Leslie’s at first-aid kits mula sa Medicard ang mga nakatakdang mapanalunan sa adbokasiyang fun run na ito na nananawagan sa malinis na enerhiya sa kapaligiran.

Ang proyektong ito na suportado ng Chris Sports, Philippine Charity Sweepstakes Office, Leslie’s, the National Capital Region Athletic Association, Pamantasan ng Lungsod ng Maynila, Emilio Aguinaldo College, Science in Sport, Medicard Foundation, Cafe Amazon, PTT Lubricants, Philippine Red Cross, Business Mirror at Business Mirror Health and Fitness Magazine, ay may misyon na palaganapin ang panawagan sa malinis na enerhiya sa pamamagitan ng sports.

Ang mga kategorya sa fun run ay 10k (P500), 5k (P300) and 3k (P220), kasama na ang race shirt, race bib at giveaways. Mananalo ng cash prizes at medalya ang mauunang tatlong finishers sa 10k at 5k. Lahat ng runners ay kuwalipikadong manalo sa raffle.

Ang registration ay sa Chris Sports SM Manila at isang oras bago magsimula ang karera sa CCP Grounds. Maaaring tumawag sa tel. nos. 09182392009, 09953248315 at landline 9759584 ang mga interesado.