Pacquiao puwersado sa KO win vs Horn
Binigyan si Manny Pacquiao ng military honors bago siya sumakay sa eroplano patungong Brisbane, Australia para sa kanilang laban ni Jeff Horn. Wendell [email protected]
GENERAL SANTOS CITY, Philippines - Dahil sa patuloy na pagbulusok ng kanyang popularidad ay kailangang-kailangan ni Manny Pacquiao na makaiskor ng knockout win laban kay Jeff Horn sa Hulyo 2 sa Brisbane, Australia.
Ito ang unang pagkakataon matapos noong 2005 na hindi isasaere nang live ang isang laban ni Pacquiao sa pay-per-view.
At hindi ito magandang senyales para sa isang fighter na nakakapagbenta ng milyon sa PPV.
Ang ESPN, ang nangungunang sports netwok, ang magsasaere ng laban sa ordinary TV nang libre.
Kaya naman kailangan ni Pacquiao ng isang knockout win para muling maitaas ang kanyang pangalan at si Horn ang maaari niyang gamitin para maisakatuparan ito.
“I don”t predict fghts,” sabi ni Pacquiao.
Inaasahan ni Justine Fortune, ang Australian strength and conditioning coach ni Pacquiao, na makakita ng isang mabilis na knockout win.
“He has to. He has no choice,” wika ni Fortune sa 38-anyos na si Pacquiao, itataya ang kanyang suot na WBO welterweight crown sa harap ng 55,000 fans sa Brisbane.
Pipilitin din ni Pacquiao na buhayin ang kanyang nananamlay na reputasyon bilang isa sa mga boxing superstars.
“If he knocks this guy out the future opens up for him,” sabi ni Fortune, kagaya ng milyun-milyong fans ni Pacquiao ay gusto ring makakita ng isang knockout win.
Sakaling mapabagsak ni Pacquiao si Horn ay malakas ang tsansang makaharap niya si rising star Terence Crawford bago matapos ang taon o ang dream rematch kay Floyd Mayweather Jr.
- Latest
