Daquis kumalas sa national team, Dy ipinalit
MANILA, Philippines - Ipinasok ng Larong Volleyball sa Pilipinas, Inc. ang La Salle star player na si Kim Dy sa national women’s volleyball team kapalit ng nagbitiw na si Rachel Anne Daquis.
Ipinahayag ni Daquis sa kanyang sulat kay LVPI vice-president Peter Cayco na ang kanyang stint sa national team ay salungat sa nakatakda niyang pag-aaral simula sa buwan ng Agosto ang dahilan ng kanyang pagbibitiw bilang miyembro ng national team na sasabak sa 29th Southeast Asian Games sa Agosto 19-30 sa Kuala Lumpur, Malaysia.
“I would like to regretfully inform you that I may not be able to fulfill my duties in the upcoming league as I just found out recently the competition schedule of the Southeast Asian Games will be in direct conflict with my decision of pursuing specialized training course that will start this August 7, 2017. This course I have mentioned is very essential in helping me achieve my long-term ambition to become one of the fitness ambassadors in our country and I cannot just let the opportunity pass by,” pahayag ni Daquis.
Kaagad namang ipinasok ni Cayco si Dy na isa sa 18-man training pool na hindi naisama sa final 12 na tutungo sa Kuala Lumpur.
Ang women’s national team ay tutungo sa Japan ngayong Hulyo 17 hanggang sa Agosto 2 upang hasain ang kanilang preparasyon para sa SEAG.
Hangad ng women’s team na masungkit ulit ang gold medal sa SEAG na huling nakamit noong 1993 sa Singapore na ibinandera nina Thelma Barina at MVP Nene Ybanez-Chavez.
- Latest
