Training ni Pacquiao pag-uusapan sa PSA Forum
MANILA, Philippines - Si Hall of Fame trainer Freddie Roach ang magiging special guest sa Philippine Sportswriters Association (PSA) Forum ngayong umaga sa Golden Phoenix Hotel sa Diosdado Macapagal Ave. Sunrise Drive sa Pasay City.
Makakasama ni Roach, ang long-time trainer ni boxing icon Manny Pacquiao, si strength and conditioning coach Justine Fortune sa public sports program na inihahandog ng San Miguel Corp., Golden Phoenix Hotel, Accel at Philippine Amusement and Gaming Corp. para talakayin ang training at paghahanda ni Filipino ring great Manny Pacquiao sa laban niya kay Australian Jeff Horn para sa World Boxing Organization (WBO) welterweight championship sa Hulyo 2.
Magiging bisita rin sa pang alas-10:30 ng umagang sesyon na isinasaere sa DZSR Sports Radio 918 ang Pro Open, Ladies Class at Kids overall champion ng Diamond Motor Supercross kasama si organizer Sam Tamayo.
Iniimbitahan ni bagong PSA president Dodo Catacutan Jr. ng SPIN.ph ang lahat ng miyembro na dumalo sa weekly forum.
- Latest
