Alaska IronKids panghimagas sa Regent 5150 Triathlon
MANILA, Philippines - Bago ang pagdaraos ng Regent 5150 Triathlon ay ipapakita muna ng mga batang may edad 6-anyos hanggang 14-anyos ang kanilang husay sa Alaska Ironkids Aquathlon sa Hunyo 3 sa WOW Recreation and Activity Center/Remy Field sa Subic Bay.
Babanderahan ng mga top finishers sa nakaraang Ironkids Aquathlon I na ginawa sa Manila Polo Club noong Abril ang mga partisipante.
Kasama rito ang 6-8 yrs old titlists na sina Rylee Marasigan at Kyle Toledana, 9-10 yrs old winners Michael Lozada at Aubrey Tom, 11-12 yrs old rulers Zedrick Borja at Katrina Salazar at 13-14 yrs old champions Juan Francisco Baniqued at Emmanuelle Joves.
Ang nasabing event na inaasahang lalahukan ng 300 bata ang magsisilbing panghimagas para sa Regent 5150 Triathlon na nakatakda sa Hunyo 4 kung saan tatangkain ni Aussie ace Sam Betten na makuha ang record na ‘three-peat’ sa men’s pro side.
Ang event, inorganisa ng Sunrise Events, Inc. at itinataguyod ng Alaska Milk Corp., ay magsisilbing ikatlo sa four-stage Ironkids circuit na magtatapos sa pamamagitan ng Alaska IronKids Triathlon sa Mactan, Cebu sa Agosto.
- Latest
