Roach kinakabahan sa kanan ni Horn
MANILA, Philippines - Kung sa mga nauna niyang panayam ay inaasahan ni Freddie Roach na madaling tatalunin ni Manny Pacquiao si Jeff Horn, nag-iba na ngayon ng kanyang pahayag ang Hall of Fame trainer.
Sinabi ni Roach na hindi dapat balewalain ni Pacquiao (59-6-2, 38 KOs) ang lakas ni Horn (16-0-1, 11 KOs) sa kanilang paghaharap sa Hulyo 2 sa Brisbane, Australia.
Ito ay base na rin sa kanyang mga napanood na fight tapes ng 29-anyos na si Horn, tatangkaing agawin sa 38-anyos na si Pacquiao ang suot nitong World Boxing Organization welterweight crown.
“We’re not going to take anyone lightly; we never have and we never will,” pahayag ni Roach sa panayam ng The Sydney Morning Herald.
“Horn is not very well-known, but the thing is, I’ve seen his last few fights he’s won by knockout, and he’s pretty impressive, a pretty good puncher and I hope he does come with that style and comes looking for a knockout,” dagdag pa nito.
Nasa kanyang ikalawang linggo ng training si Pacquiao para sa kanilang bakbakan ni Horn, kumampanya para sa Australia noong 2012 Olympic Games.
Noong nakaraang Linggo ay dumating sa bansa si Roach kasama si strength and conditioning coach Justin Fortune para pangunahan ang pagsasanay ni Pacquiao.
Ikinadismaya ni Roach ang nakita niyang ikinilos ng Filipino boxing superstar sa sparring session.
Sinabi ni Roach na dapat ay nasa 10 rounds na ang sparring na ginagawa ni Pacquiao, huling lumaban noong Nobyembre ng nakaraang taon matapos agawin kay Jessie Vargas ang hawak nitong WBO welterweight belt.
Sa napanood ni Roach sa fight tapes ni Horn, nagtataglay ang Australian challenger ng malakas na right hand. “Horn looks like he’s a little bit of a puncher. One thing about Australian fighters is he’ll definitely be in shape- they work hard; their work ethic is good,” pagtatapos ni Roach.
- Latest