Maine guest sa concert ni Alden
MANILA, Philippines - Upsurge ang pamagat ng pinakaunang major concert ni Alden Richards mula sa GMA Network at GMA Records, at umpisa pa lang ay kitang-kita na ang tagumpay nito. Dahil matapos ang tatlong araw na ibinenta ang tickets ay dinumog ito ng fans, at sold-out na kaagad.
Simula nang ibalita ang kanyang concert, inabangan na ng kanyang mga tagahanga kung sino ang makakasama niya sa entablado. Kanya-kanya ng hula ang mga ito, at hindi nawala sa listahan ang phenomenal star na si Maine Mendoza.
At ngayon nga na opisyal ng inilabas ng GMA Records ang listahan ng special guests ni Alden sa kanyang Upsurge sold-out concert. Makakasama niya ang ilan sa mga kaibigan sa industriya kabilang na ang OPM icon na si Raymund Marasigan, Mark Herras, Jerald Napoles, Rodjun Cruz, ang matalik na kaibigang si Kristoffer Martin, at ang kanyang ka-loveteam na si Phenomenal Star Maine Mendoza.
Magsisilbi namang front act sa nasabing concert ang Starstruck VI Ultimate Male survivor na si Migo Adecer.
Ang Upsurge ay sa ilalim ng direksyon ni GB Sampedro, kasama si Marc Lopez bilang musical director at ang Barangay LS 97.1 ang official media partner.
Bukod sa pagkakataong makita ang iniidolo nang personal, makakatulong din ang mga manonood sa kapwa dahil bahagi ng kikitain ng Upsurge ay mapupunta sa GMA Kapuso Foundation.
- Latest