Sandara takot masira ang friendship kay Robi

Kamakailan ay naugnay sina Robi Domingo at Sandara Park nang mapabalitang nagkahiwalay na ang binata at dating kasintahan na si Gretchen Ho. Pumutok din ang balitang si Sandara diumano ang naging dahilan ng hiwalayan nina Robi at Gretchen.

Ayon kay Sandara ay matagal na silang magkaibigan ni Robi kaya nangamba siya nang maugnay sa aktor. “I was worried noong lumabas ‘yang issue na ‘yan. Kasi ‘di ba dahil sa issue na ‘yan baka masira pa ‘yung friendship namin,” bungad ni Sandara.

Nasa Korea raw noon ang dalaga nang mabalitaan ang tungkol sa paghihiwalay nina Robi at Gretchen sa social media at telebisyon.

Sa ngayon ay wala pa ring kasintahan si Sandara dahil pinagbawalan din siyang makipagrelasyon ng dating manager. “Hindi ko alam if it’s a good thing or bad thing na single pa ako, pero yes, single pa ako. Right now I am very happy with my career and with what I’m doing,” nakangiting pahayag ng Korean star.

Wala pa ring bagong kasintahan ngayon si Robi at kung sakali ay posibleng ligawan din ng aktor si Sandara. “Hindi ko alam ang sasabihin ko, pero he’s really cute. Noong first time ko pa lang siyang nakita, sabi ko, ‘Ay! He’s really cute.’ And he’s really good boy. Kung single siya and single ako, hindi ko rin alam kung ano ang mangyayari bukas. So I don’t know what to say now,” makahulugang pahayag ng dalaga.

James laging nakabantay sa kapatid

Aktibo na rin ngayon sa show business ang kapatid ni James Reid na si Lauren Reid. Nae-enjoy daw ng dalaga ang kanyang mga ginagawa ngayong proyekto.

“It’s going good. I am having a lot of fun. I am enjoying everything that I’m doing. I’m working a lot with friends which is fantastic. I guess everyone that you meet in the industry becomes a friend, hopefully,” pagbabahagi ni Lauren.

Palagi rin daw pinaaalalahanan ni James ang kapatid. “He always tells me to always just be myself because people are going to love me for who I am,” kwento ng baguhang aktres.

Sinisikap ni Lauren na maging isang magandang ehemplo para sa mga kabataan ngayon. Iniingatan din ng dalaga ang lahat ng kanyang ikinikilos upang hindi madismaya ang kanyang mga tagahanga. “I’m just going to continue what I’m doing, opening discussions on health, fitness and people being very much themselves and I believe I am already doing that. I want other people to do the same and to be the best version of themselves,” pagtatapos niya.