Ex-Eastern Samar mayor, 6 pa kinasuhan ng graft
MANILA, Philippines - Matapos mapatunayang guilty sa maanomalyang procurement ng fire truck noong 2007 ay kinasuhan ng graft ng tanggapan ng Ombudsman sa Sandiganbayan ang dating mayor ng bayan ng Guiuan, Eastern Samar at anim nitong opisyales.
Isang count ng paglabag sa Section 3(e) ng Anti-Graft and Corrupt Practices Act (Republic Act No. 3019) ang kinakaharap nina Guian Eastern Samar ex-Mayor Annaliza Gonzales-Kwan; Arsenio Salamida (Municipal Engineer); Esperanza Cotin (Municipal Budget Officer); Felipe Padual (Administrative Officer); Danilo Colandog (Market Supervisor); Gilberto Labicane (Draftsman); at Ma. Nenita Ecleo (Municipal Planning Development Officer).
Napatunayan ng Ombudsman investigators na bigo ang naturang mga opisyales na sundin ang regulasyon sa pagbili ng fire truck na may halagang P1,985,454.55 tulad ng kawalang bidding para dito alinsunod sa Republic Act No. 9184 (Government Procurement Reform Act).
Sa ilalim ng section 3E ng RA 3019, walang sinumang opisyales ng pamahalaan ang maaaring gamitin at mag-take advantage sa hawak na puwesto para sa pansariling interes lamang.
- Latest