Trak bumaliktad: 1 dedo, 15 sugatan

TUGUEGARAO CITY, Cagayan  , Philippines - Hindi na umabot ng buhay sa Semana Santa ang 27-anyos na guro habang 15 naman ang nasugatan makaraang bumaliktad ang kanilang sinasakyang dumptruck sa Barangay Victoria, bayan ng Aglipay, Quirino noong Sabado. Kinilala ng pulisya ang namatay na si Janice Pumading ng Cordon, Isabela habang ang mga sugatan ay isinugod sa Aglipay District Hospital. Sa inisyal na imbestigasyon, nawalan ng kontrol sa manibela ang drayber na si Dennis Umali sa pabulusok na bahagi ng kalsada kaya ito bumaliktad.? Nabatid na ang mga biktima ay dumalo sa kasalan bago naganap ang trahedya. ?Noong nakaraang Sabado, dalawa ang namatay habang 17 nasugatan makaraang bumaliktad din ang kanilang van sa bayan ng San Mateo habang papunta ito sa kasalan sa bayan ng Roxas, Isabela.