Buntis na misis, inaway ni mister nagbigti
COTABATO CITY, Philippines - Isang 19-anyos na misis na umano’y dalawang buwang buntis ang nasawi makaraang magpatiwakal sa kanilang mismong tahanan sa Purok 4, Brgy. Camutan, Antipas, North Cotabato kahapon. Kinilala ni Sr. Insp. Rolando Dillera Jr., hepe ng Antipas Police ang biktima na si Manilyn Negres, 19-anyos, ng nabanggit na lugar. Ayon sa report, naabutan na lamang ang biktima ng kanyang pamilya na nakabitin sa kisame ng kanilang kuwarto. Posibleng nagpakamatay umano ang biktima dahil sa kanilang palaging pag-aaway na mag-asawa. Base sa salaysay ng mga kapitbahay at pamilya nito, parati na lang lasing ang asawa ni Manilyn dahilan ng kanilang pagtatalo. Kinumpirma rin ni Brgy. Camutan Chairman Nonoy Villarosa ang insidente kung saan nagsasagawa rin sila ng sariling imbestigasyon kung may foul play sa pangyayari.
- Latest