Ang Semana Santa panahon sa mga senior citizen

Alang kanatong mga senior citizen, ang Semana Santa, ilabina sa mga adlaw nga Maunday Thursday, Good Friday ug Black Saturday, balaan kaayo. In fact, ang uban kanato nag-observe gyud pagbalaan sa tibuok Lenten Season. Ang Semana Santa culmination sa atong pag-obserbar sa 40 ka adlaw nga Kwaresma.

Ug alang usab kanatong mga senior citizen, ang Easter Sunday, usa ka dakung kasaulogan, tungod kay ang Pagkabanhaw nagpakita sa kadaugan ni Hesus pagbuntog sa kamatayon, ug paglampos sa iyang misyon pagluwas sa katawhan gikan sa paghitak sa kasal-anan. Imagine kuno kun wala mabanhaw si Hesus.

Apan ang kalipay sa Easter Sunday, atong mabati ug masinati giunsa nato pag-observe ang Lent, ilabina ang Holy Week. Kun ang maong mga mahal nga adlaw, wala nato mabalaan, wala kita moduyog sa kasakitan ug pagkamatay ni Hesus, nagpadayon ang atong mga kahilayan pagtagbaw sa kahinam sa lawas, dili usab nato masinati ang kalipay sa Easter Sunday.

Gumikan sa ka-moderno na sa panahon, atong nakita ang ka lahi na ang pag-obserbar sa Kwaresma sa atong panahon kay sa karon nga panahon. Asa na man ta paingon niini?

* * *

Sa ato nang gihisgutan dinhi, usa sa mga balaudnon nga nag-ung-ong karon sa Kongreso  mao kining pagtukod sa National Council for the Welfare of Senior Citizens. Klaro kaayo nga ang katuyuoan niini mao ang pagtagad ug pag-atiman sa mga panginahanglan  sa senior citizens.

Sa pagkakaron gud, wala may ahensiya sa gobiyerno nga motutok sa mga panginahanglan sa mga senior citizen. Anaa ang Department of Social Welfare & Development (DSWD), apan daghan kini’g concerns ug mga kaakohan, ug ang senior citizens usa lamang niini.

Anaa usab ang National Anti-Poverty Commission (NAPC), apan, sama sa DSWD, ang pagtagad sa mga concerns sa katigulangan usa lamang sa ilang mga concerns. Daghan ang ilang atubangon nga mga concerns.

Among others, kinahanglan usab katutokan kining mga pag-abuso batok katigulangan.

Wala lang kita magpakabana niini, apan, matud ni Social Welfare Secretary Judy Taguiwalo, atong kutloon:

“We hear of senior citizens being beaten by their guardians. Some sickly elders are allegedly even tied to posts or locked in rooms. There is an urgent need to ensure the protection of older persons.”

Ang bugtong tahas o concern niining gilaraw nga National Council for the Welfare of Senior Citizens, mao lang gayud nga kahatagan og mga kaayohan ang mga senior citizen. Hinaut mapasar na kini sa Kongreso.