Malinis Magtrabaho si Mister

Dear Vanezza,

Gipit kami sa pera kaya napilitan akong maghanap ng trabaho para makatulong sa aking mister. Sinubukan kong magpaalam sa mister ko na kung pwede akong mag-stay in sa isang bakery shop; na  nakapagtataka na pumapayag siya. Hindi man lang inisip na ang dalawang anak namin dahil sa ginagabi siya ng uwi. Nahihiwagaan ako sa mga desisyon at kilos ng aking asawa. Parang may ka-fling siya. Pero hindi ko lang mahuli dahil malinis siyang gumawa ng kalokohan. Pero malakas ang kutob ko na may kinalolokohan siyang babae. – Jane

Dear Jane,

Madalas tama ang women’s instinct kaya maghahanap ka pa ng ebidensiya. Puwede rin silipin ang kanyang Facebook at cell phone para ma-check kung may iba siyang kausap. Pero kung binubura niya ito ay mahihirapan ka. Kausapin mo siya ng masinsinan at sabihin ang napapansin mo sa kanya. Baka mayroong problemang pinagdadaanan si mister na hindi lang niya masabi.

Vanezza