14th Thirsty Football Cup mosikad na
CEBU, Philippines - Ang ika-14 nga edisyon sa Thirsty Cup mosikad na karong hapon diha sa Cebu City Sports Center.
Adunay kinatibuk-ang 256 ka mga koponan ang mopakita’g aksiyon ning tinuig nga kompetisyon.
Gawas sa mga Cebu-based teams, ang tulo ka adlaw nga torneyo salmotan usab sa mga koponan gikan sa Manila, Dumaguete, Ilo-ilo, Leyte, Tacloban, Ormoc City, Misamis Oriental, Cagayan de Oro, Samar, Oroquieta City ug Bohol.
Ang Don Bosco Technology Center naglaraw na sab nga modominar sa maong torneyo sama sa ilang gibuhat niadtong miaging tuig.
Si DBTC coach Glenn Ramos nagkanayon nga hapit tanan kategoriya ang ilang gisalmotan.
Mga kategoriya nga tigian naglakip sa under-11, under-7, under-9, under-15, under-19, under-13 girls, under 15, under-17, ladies open, men's open, mixed open ug 38-above class. (BANAT NEWS)
- Latest