Gilas line-up mahibaw-an sa Domingo
CEBU, Philippines - Mipasalig ni Gilas Pilipinas head coach Chot Reyes nga iya nang ipagawas karong Domingo ang 24-man line-up nga hashasan aron masakop sa nasudnong koponan nga moduwa sa mga international tournaments nga ilang salmotan karong tuiga.
Si Reyes nagkanayon nga 12 ka mga sakop sa Gilas cadets nga miduwa karon isip rookies sa PBA uban ang 12 ka mga veterans ang lakip sa Gilas 5.0.
Ang pagpaila sa mga sakop sa 24-man Gilas himuon human sa duwa sa Alaska Aces ug Mahindra Floodbuster didto sa PhilSports Arena.
Gusto ni Reyes nga sugdan og sayo ang ilang ensayo aron makapangandam og maayo diin una niyang misyon mao ang pagdominar sa Southeast Asia Basketball Association Cup sayo ning tuiga ug ang FIBA Asia Championship sa Agosto.
Si Reyes, kinsa maoy migiya sa Gilas sa 2014 World Cup sa Spain laraw nga dad-on pagbalik ang Pilipinas sa World Cup ug laing Olympic appearance sa tuig 2019. – BANAT NEWS
- Latest