Bolts, Beermen nanalasa
MANILA, Philippines – Nakipagsanib ng puwersa si 2016 PBA Rookie of the Year Chris Newsome sa bagitong si Ed Daquioag para ibigay sa Bolts ang unang panalo.
Umiskor si Newsome ng 28 points, habang nagdagdag si Daquioag ng 23 markers para tulungan ang Meralco sa 106-93 paggupo sa NLEX para makasama sa win column ng 2016-2017 PBA Philippine Cup kagabi sa Smart Araneta Coliseum.
“I’m happy to get that first win in the All-Filipino,” sabi ni one-time PBA Grand Slam champion coach Norman Black. “Hats off to my rookie Ed Daquioag who was exceptional tonight, who was very relaxed. He played like a veteran.”
Nagdagdag naman si Cliff Hodge ng 12 points kasunod ang tig-11 nina Anjo Caram at Kelly Nabong para sa 1-1 baraha ng Bolts katabla ang Road Warriors.
Isang 16-3 atake sa fourth quarter ang pinangunahan nina Newsome at Daquioag para kunin ang 103-87 kalamangan mula sa three-point lead, 87-84, sa NLEX.
Kumamada si Newsome ng 20 points sa kabuuan ng second half, habang humugot naman si Daquioag, produkto ng University of Sto. Tomas sa UAAP, ng 10 markers sa final canto.
Pinamunuan ni Sean Anthony ang Road Warriors ni mentor Yeng Guiao sa kanyang 15 points kasunod ang tig-14 nina Eric Camson, Garvo Lanete at Raul Soyud, samantalang nag-ambag ng tig-10 sina Kevin Alas at Carlo Lastimosa.
Sa ikalawang laro, nakabangon ang nagdedepensang San Miguel mula sa kabiguan nang takasan ang Alaska, 93-88, para sa kanilang 2-1 baraha.
Humakot si ‘three-peat’ PBA MVP June Mar Fajardo ng 23 points, 22 boards at 1 assist para banderahan ang Beermen, habang nag-ambag sina Arwind Santos at Marcio Lassiter ng 16 at 14 markers, ayon sa pagkakasunod.
MERALCO 106 - Newsome 28, Daquioag 23, Hodge 12, Caram 11, Nabong 11, Yeo 7, Grey 6, Chua 4, Al-Hussaini 2, Faundo 2, Amer 0, Bono 0, Hugnatan 0.
NLEX 93 - Anthony 15, Camson 14, Lanete 14, Soyud 14, Alas 10, Lastimosa 10, Villanueva J. 7, Baracael 5, Guinto 4, Khobuntin 0, Monfort 0, Taulava 0.
Quarterscores: 21-25; 56-54; 79-77; 106-93.
SAN MIGUEL 93 - Fajardo 23, Santos 16, Lassiter 14, Garcia 13, Espinas 12, Agovida 8, Tubid 2, McCarthy 2, Ross 2, Van Opstal 0.
ALASKA 88 - Casio 20, Dela Cruz 15, Mendoza 12, Cruz 11, Banchero 7, Galliguez 5, Jazul 5, Racal 5, Magat 5, Hontiveros 3.
Quarterscores: 16-22, 44-53, 70-72, 93-88.
- Latest
