‘Misyonaryo’ sakote sa buy-bust
TUGUEGARAO CITY, Cagayan, Philippines – Kalaboso ang nagbalatkayong misyonaryo na sinasabing tulak ng droga matapos itong masakote ng pulisya sa inilatag na buy-bust operation sa Barangay Roxas, bayan ng Solano, Nueva Vizcaya kamakalawa. Pormal na kinasuhan ni P/Chief Insp. Billy Mangali, hepe ng Solano PNP ang suspek na si Armando “Andok” Meneses, 42, ng Purok 2, Barangay San Luis sa nasabing bayan. Ayon kay Mangali, bukod sa isang sachet ng shabu na ibinenta ni Meneses na nagpanggap na poseur-buyer ay nasamsaman pa ito ng limang plastic sachets na shabu.Bagama’t isang misyonaryo ang pagpapakilala ni Meneses sa sarili, hindi kaila na nasa talaan ang kanyang pangalan sa provincial drugs watchlist ng pulisya.
- Latest