Pinoy jins sumabak sa World Poomsae Taekwondo tourney
MANILA, Philippines – Kabuuang 19 atleta ang magdadala sa kampanya ng Pilipinas sa 2016 World Poomsae Taekwondo Championsips na sinimulan noong Setyembre 22 at matatapos sa Oktubre 2 sa Lima, Peru.
Kasama ng koponan sina delegation head Igor Mella, foreign coach Ji Ho Chui at international referee Stephen Fernandez na suportado ng PLDT Home Ultera at ng MVP Sports Foundation.
Mapapasabak ang mga Filipino athletes laban sa 74 pang bansa kagaya ng Korea, China, France, Spain, Iran, Turkey, Germany, Chinese Taipei at United State.
Ang mga miyembro ng men’s team ay sina Jean Pierre Sabido, Ernesto Guzman Jr., Dustin Jacob Mella, Raphael Enrico Mella, Rodolfo Reyes Jr., Jeordan Dominguez, McAvynger Alob, Jerel Anthony Dalida, Mark Lorenz Balcita, June Ninobla, Joel Lacsamana at Glenn Lava.
Sina Rinna Babanto, Juvenile Faye Crisostomo, Joecel Lyn Ninobla, Angelica Joyce Gaw, Janna Dominique Oliva, Elisabeth Cesista at Ailleach Dulce Amor Perez ang bumabandera sa womens squad.
Ang nasabing torneo ang magsisilbing exposure sa mga national athletes na naghahanda para sa 2017 Southeast Asian Games at sa 2018 Asian Games sa Jakarta.
Ang poomsae o ang forms ay isang importanteng elemento sa taekwondo.
Ang iba pang sponsors ng koponan ay ang Smart Communications, Inc., PLDT, Meralco, TV5 at PSC.
- Latest