Mocon susi ng Lions sa pagsampa uli sa liderato
MANILA, Philippines – Muling sumulong ang San Beda sa unahan ng standings at malaking tulong ang nagawa ni Javee Mocon upang maabot ng kanilang tropa ang inaasam na puwesto sa NCAA Season 79 men’s basketball tournament.
Dahil sa kanyang solidong ipinamalas sa mga nakalipas na laro, iginawad sa 21-anyos na si Mocon ang Accel Quantum/3XVI-NCAA Press Corps Player of the Week award.
Tinulungan ni Mocon ang Red Lions na masiguro ang twice-to-beat card kaya naman umani ito ng papuri mula kay coach Jamike Jarin.
“I just don’t want to lose this game. I just played my heart out. I did everything I can to contribute to our win,” ani Mocon.
May averages na 16.5 points at 14.0 rebounds ang 6-foot-3 sa kanilang huling dalawang laro kung saan nagrehistro ito ng double-double na 14 points at 13 rebounds sa 84-75 panalo ng San Beda sa University of Perpetual Help System Dalta noong Martes.
Muling umariba si Mocon nang kumana ng 19-point, 15-rebound performance sa 91-81 pananaig kontra naman sa Arellano University noong Biyernes para makahirit ng playoff para sa top seeding sa Final Four.
Naungusan ni Mocon sina Joseph Eriobu ng Mapua, Arellano top gun Jiovani Jalalon, Letran standout JP Calvo at Clement Leutcheu ng St. Benilde.
- Latest
