FEU, NU itinulak ang 4-way tie sa No. 2 slot

MANILA, Philippines – Bumunot ang nagdedepensang Far Eastern University ng lakas sa kanilang malalim na karanasan bago hatakin ang pahirapang  51-49 panalo laban sa University of the Philippines upang makisalo sa ikalawang puwesto sa UAAP Season 79 men’s basketball tournament kahapon sa Araneta Coliseum.

Tanging si Monbert Arong lamang ang nagtala ng double digits para sa Tamaraws nang magposte ito ng 14 puntos mula sa 5-of-10 shooting clip kasama ang apat na rebounds para pamunuan ang kanyang tropa sa ikatlong panalo sa limang laro.

“It was a struggle. We knew all along that this game would be difficult. We expected an up and down season for us. We’re struggling by learning the ropes. At least we limited them to less than 50 points,” pahayag ni FEU mentor Nash Racela.

Nalimitahan sa isang puntos si Prince Orizu subalit nakabawi  ito sa rebounding department matapos hatakin ang 15 boards kalakip pa ang apat na blocks sa 22 minutong paglalaro.

Nahulog ang Fighting Maroons sa 1-4 baraha kung saan bumira si Andres Desiderio ng 15 puntos habang may double-double na 13 puntos at 11 boards si Christian Moralde.

Sa ikalawang laro, naiselyo ng National University ang 75-68 panalo laban sa University of Santo Tomas upang umakyat sa 3-2 rekord at samahan ang FEU, Adamson at Ateneo sa No. 2 spot.

Bida sina JJ Alejandro at Matt Salem na nagtala ng pinagsamang 30 puntos para pamunuan ang Bulldogs.

Umatras sa 2-3 ang Growling Tigers.

FEU 51 – Arong 14, Holmqvist 7, Trinidad 7, Comboy 6, Jose 6, Nunang 4, Bienes 2, Dennison 2,  Ebona 2, Orizu 1, Inigo 0, Bayquin 0, Tuffin 0, Denila 0.

UP 49 – Desiderio 15, Moralde 13, Manuel 8, Dario 6, Gomez de Liano 3, Espanola 2, Prado 2, Harris 0.

Quarterscores: 4-5, 20-15, 38-30, 51-49.

NU 75 – Alejandro 16, Salem 14, Salim 11, Aroga 10, R. Diputado 8, Aquino 5, Mosqueda 5, Abatayo 2, M. Diputado 2, Gallego 2, Morido 0, Pate 0, Rangel 0, Sinclair 0, Yu 0.

UST 68 – Vigil 17, Sheriff 16, Lee 8, Afoakwah 7, Subido 6, Lao 5, Basibas 4, Caunan 2, Macasaet 2, Huang 1, Arana 0, Faundo 0.

Quarterscores: 27-15, 46-29, 69-49, 75-68.