Bolts, Texters sinelyuhan na ang Semis
Laro Bukas (Smart Araneta Coliseum)
Best-of-5 semis series
7 p.m. Ginebra vs San Miguel
MANILA, Philippines - Hindi na nag-aksaya ng panahon ang Tropang Texters at Bolts.
Kaagad sinibak ng TNT Katropa ang Phoenix, 136-124 habang dinispatsa ng Meralco ang Mahindra, 105-82 para itakda ang kanilang best-of-five semifinals series sa 2016 PBA Governor’s Cup kagabi sa Ynares Center sa Antipolo City.
Nagbitbit ng ‘twice-to-beat’ advantage ang No. 1 Tropang Texters at No. 4 Bolts laban sa No. 8 Fuel Masters at No. 5 Enforcers, ayon sa pagkakasunod.
Magsisimula ang semis showdown ng TNT Katropa at Meralco sa Martes, samantalang magtutuos ang nagdedepensang San Miguel at Barangay Ginebra bukas sa Game One.
Tumapos si point guard Jayson Castro na may 42 points, tampok ang 5-of-11 shooting sa three-point range, para banderahan ang Tropang Texters.
“Kay Jayson naman he’s not too concerned about his personal stats. Basta manalo ‘yung team masaya na siya,” sabi ni coach Jong Uichico kay Castro. “Ang focus niya is to win the game and go into the next round.”
Sa unang laro, humakot si import Allen Durham ng 24 points, 16 boards, at 6 assists para sa kauna-unahang back-to-back semifinals appearance ng Meralco.
“We thought it was a must-win situation because we knew if we lost, we would give them confidence,” sabi ni one-time PBA Grand Slam champion coach Norman Black.
Nagdagdag si Chris Newsome ng 19 points, habang nagtala si forward Cliff Hodge ng 14 markers, 7 boards at 3 assists para sa Meralco.
Nasayang naman ang 6-0 panimula ng Mahindra sa kanilang pagkakasibak sa season-ending conference.
Bumangon ang Bolts mula sa 15-point deficit sa second period para ilista ang 23-point lead sa third quarter at hindi na nilingon pa ang Enforcers.
Meralco 105 - Durham 24, Newsome 19, Hodge 14, Dillinger 12, Amer 7, Alapag 6, Faundo 6, Hugnatan 6, Nabong 5, Caram 2, Chua 2, Guevarra 2, Uyloan 0, Al-Hussaini 0, Buenafe 0.
Mahindra 82 - White 20, Digregorio 14, Guinto 8, Agovida 7, Paniamogan 7, Taha 6, Canaleta 5, Jaime 5, Ballesteros 4, Ramos 3, Revilla 3, Bagatsing 0, Gallanza 0, Yee 0.
Quarterscores: 18-26; 50-45; 84-61; 105-82.
TNT Katropa 136 - Castro 42, Madanly 17, De Ocampo 16, Reyes 16, Fonacier 13, Williams 12, Rosales 9, Ammons 7, Rosario 4, Rosser 0, Tautuaa 0.
Phoenix 124 - Phelps 39, Lee 24, Baguio 10, J. Wilson 10, Enciso 9, Lanete 9, Borboran 7, Urbiztondo 5, Hayes 4, Torres 3, Cruz 2, Intal 2, Buenafe 0, Pennisi 0, W. Wilson 0.
Quarterscores: 32-34; 70-67; 107-93; 136-124.
- Latest
