Valdez dadalo sa opening ng WNCAA
MANILA, Philippines – Magsisilbing guest speaker si UAAP MVP Alyssa Valdez sa opening ceremony ng Women’s National Collegiate Athletic Association (WNCAA) Season 47 sa Sabado sa Makati Coliseum.
Inaasahang ibabahagi ni Valdez ang kanyang malalim na karanasan sa mga atleta mula sa 16 paaralang kasapi ng liga sa pangunguna ng season host St. Jude Catholic School at five-time senior basketball champion Centro Escolar University.
Magsisimula ang programa sa alas-10 ng umaga tampok ang temang “Women on Fire. A Legacy of Passion.”
Matapos ang opening rites, tatlong laro ang masisilayan kabilang na ang salpukan ng St. Jude-St. Stephen’s High School sa juniors sa alas-12.
Sisimulan naman ng CEU ang tangka nitong makuha ang ikaanim na korona sa pakikipagtuos sa Philippine Women’s University sa ala-1:30 kasunod ang duwelo ng Miriam College at PWU sa alas-3 sa seniors.
- Latest
