Romero nasa top 50 richest Filipinos sa listahan ng Forbes
MANILA, Philippines – Muling nakasama si Globalport team owner Mikee Romero sa listahan ng top 50 richest Filipinos ng Forbes magazine sa ikalawang sunod na pagkakataon.
Pumuwesto si Romero, ang party-list representative (1Pacman) sa Congress, sa No. 49 sa kanyang $150 milyon o halos P7 bilyon kung saan ang bulto nito ay mula sa kanyang port operations.
Bukod sa kanyang real estate business at ilan pang stock investments, ang 43-anyos na si Romero ay ang vice chairman ng AirAsia Philippines.
Isa ring bantog na art collector ang sportsman/businessman.
Ang kanyang tinatamasang tagumpay, ayon kay Romero, ay dahil sa kanyang pagiging sportsman.
Maliban sa basketball, nalilinya din si Romero, naglaro para sa La Salle sa UAAP, sa shooting, martial arts at polo.
Ilang international polo tournaments sa bansa ang pinamahalaan ni Romerto.
“I am always a sportsman and it is from sports where I get my energy when I do business,” sabi ni Romero, naglalaro ng basketball tuwing Huwebes. “Because of sports, I learn to be aggressive and dynamic.”
“His passion for sports is the same as in business,” wika naman ni Erick Arejola kay Romero.
Sa kanyang trabaho sa House of Representatives, titiyakin ni Romero na hindi makakalimutan ang sports.
Hindi lamang si Romero ang sportsman na napabilang sa richest list ng Forbes.
Si San Miguel Corporation bosses Ramon Ang ay nasa No. 16 sa kanyang $1.21 bilyon (P56 bilyon), habang nasa No. 20 si Danding Cojuangco sa kanyang $1.14 bilyon (P53 bilyon) dahil sa pagiging may-ari ng tatlong PBA teams at chief backer ng La Salle basketball team.
Nasa No. 37 naman si Wilfred Uytengsu, ang team owner ng Alaska sa PBA at organizer ng triathlon competitions.
- Latest
