Foton Pilipinas umeskapo sa Kasetsart University
MANILA, Philippines – Nakabangon ang Foton Pilipinas sa masamang panimula upang itakas ang 17-25, 25-12, 25-23, 25-16 panalo laban sa Kasetsart University sa classification phase ng 2016 Select Tuna Thailand Volleyball League na ginaganap sa Wi Sommai gymnasium sa Sisaket Province, Thailand.
Pinagpahinga muna ni Italian coach Fabio Menta sina American imports Ariel Usher at Lindsay Stalzer upang bigyan ng tsansa ang local players na ipamalas ang kanilang husay.
Hindi naman nabigo si Menta nang magpasiklab sina Aby Maraño, Maika Ortiz at kasama si setter Ivy Perez para makuha ng Tornadoes ang ikalawang panalo sa torneo na bahagi ng paghahanda ng koponan para sa AVC Asian Women’s Club Championship na magsisimula sa susunod na linggo sa Alonte Sports Center sa Biñan City.
“Our Filipino (players) need to take responsibilities and overcome problems by themselves. Today, they showed that they are mentally and physically ready to fight for their cause,” wika ni Menta na dating mentor ng national women’s team ng Cook Islands.
Partikular na tinututukan ni Menta sina Perez at Dimaculangan na siyang magdadala sa koponan sa Asian meet.
“I need our two setters to be ready for the AWCC. Together, they need all options and they need to be equally prepared. So they played two games each so far. Also, I played all-Filipino the whole game and some mechanisms had to be tuned again,” dagdag ni Menta.
Dahil sa panalo, umusad ang Tornadoes sa battle-for-fifth match kung saan makakaharap nito ang magwawagi sa pagitan ng Rungsit University at Nakhon Nonthaburi.
Lalaruin ang battle-for-fifth ngayong umaga sa alas-10:30.
- Latest
