Saints buwenamano ang Titans
Laro Ngayon
(JCSGO Gym Cubao)
9 am RTU vs DOMC
10:30 am NEU vs MLQU
12nn EC vs EARI ST
MANILA, Philippines - Mainit na sinimulan ng Saint Clare College ang kampanya nito matapos patumbahin ang AMA Computer University, 82-67, upang makuha ang maagang liderato sa 16th National Athletic Association of Schools, Colleges and Universities men’s basketball tournament sa Cuneta Astrodome sa Pasay City.
Minanduhan ni Aristotle Dionisio ang ratsada ng Saints ng kubrahin ang double-double na 19 puntos, 16 rebounds at dalawang assists tampok ang 12 puntos na nagawa nito sa first half.
Nakatuwang ng 6-foot-4 na si Dionisio sina Michael de Leon na tumipa ng 12 puntos at Mark Puspos na nagdagdag ng 10 markers para sa Saints.
Bumandera para sa 2006 champions Titans si Mike de Guzman na naglista ng 15 puntos gayundin si Jordan Rios na may 14 puntos at Christian Macaranas na umani naman ng 13 puntos.
Pinangunahan ni St. Clare president at NAASCU president Ernesto Jay Adalem ang opening ceremonies kasama ang 14 member schools.
“We are here not only in pursuit of academic excellence but also in pursuit of sporting excellence, we believe in the talents of the young students waiting to be harnessed into world class levels,” wika ni Adalem.
- Latest
