Eagles vs Tigers sa opening ng UAAP

MANILA, Philippines – Apat na koponan kabilang ang season host University of Santo Tomas ang agad na kakaliskisan sa opening day ng UAAP Season 79 men’s basketball tournament sa Setyembre 4 sa  Araneta Coliseum.

Makakasagupa ng Growling Tigers ang Ateneo de Manila University sa alas-4 habang lalarga naman ang salpukan ng University of the Philippines at Adamson University sa alas-2.

Magpapatuloy ang aksiyon sa Setyembre 7 sa Mall of Asia Arena sa Pasay City kung saan sisimulan ng Far Eastern University ang pagdepensa sa kampeonato sa pakikipagtuos sa De La Salle University sa alas-4.

Uumpisahan naman ng National University ang kampanya nito kontra University of the East sa alas-2.

Nakatakda ang inaabangang Ateneo-La Salle game sa Oktubre 2 sa Mall of Asia Arena sa alas-4.

Lalarga rin sa parehong playing date ang UE-A­dam­son match sa alas-12 ng tanghali.

Subalit magkahiwalay na ibebenta ang tiket sa UE-Adamson at Ateneo-La Salle.

Salitang lalaruin sa Mall of Asia Arena at Araneta Coliseum ang seniors basketball tuwing Miyerkules, Sabado at Linggo.

Bago ang men’s basketball, idaraos ang simpleng opening ceremonies sa Setyembre 3 sa UST quadrangle na magtatampok ng iba’t ibang presentasyon at palabas na inihanda ng season host.