Vargas sasabayan ang suntok ni Pacquiao
MANILA, Philippines – Ang panalo laban kay Sen. Manny Pacquiao ang tiyak na mag-aangat sa boxing career ni Mexican-American world welterweight titlist Jessie Vargas.
“We’re facing Manny Pacquiao, a great fighter. Not only he’s a great fighter but he’s a fighter that always action packed fights,” wika ng Mexican-American sa panayam ng BoxingScene.com
Itataya ng 27-anyos na si Vargas ang kanyang hawak na World Boxing Organization welterweight crown laban kay Pacquiao sa Nobyembre 5.
Alam ng 27-anyos na si Vargas (27-1-0, 10 KOs) ang kakayahan ng 37-anyos na si Pacquiao (58-6-2, 38 KOs).
Sa kanyang mga nakaraang laban ay maramihan kung magpakawala ng kanyang mga suntok si Pacquiao, nagretiro noong Abril 9 matapos talunin si Timothy Bradley Jr.
Tiniyak ni Vargas na tatapatan niya ang pagiging ‘volume puncher’ ni ‘Pacman’ sa gabi ng kanilang upakan.
“I know that I’ll be giving my all and he’s giving his all. And we’re like two forces that will attack each other. It makes a great night for boxing,” wika ni Vargas.
Ang nag-iisang kabiguan ni Vargas ay nagmula sa mga kamao ni Bradley noong Hunyo ng nakaraang taon.
“I’m taking it like any other fight. We are going to prepare Jessie Vargas to be successful,” sabi ni Dewey Cooper, ang trainer ni Vargas.
“Of course we are blessed, we are honored and we are very happy to have a fight of this magnitude but the goal is still the same - to conquer our opponent and we shall do that to Manny.”
Bago pa siya piliin ni Pacquiao para sa comeback fight nito ay tinarget muna ni Vargas ang suot na IBF welterweight belt ni Kell Brook.
Ngunit umakyat si Brook sa middleweight division para labanan si Gennady Golovkin.
- Latest