PSC magbabalangkas ng Master Plan
MANILA, Philippines - Sisimulan na ng Philippine Sports Commission ang pagbabalangkas ng Master Plan para sa Philippine Sports at Philippine Sports Institute.
Naglatag ang PSC ng ilang serye ng consultative meetings sa hanay ng mga stakeholders.
Magdaraos sina PSC chairman William Ramirez at ang PSC board kasama ang PSC Program Research and Development Division (PRRD) at si Mark Velasco ng isang day-long workshop kasama sina dating chairmen Philip Ella Juico at Perry Mequi at Dr. Jose Raul Canlas at Alejandro Pineda, Jr. sa Aug. 30.
Matapos makuha ang kanilang mga kuru-kuru ay makikipag-usap naman ang grupo ni Ramirez sa mga opisyales ng Philippine Olympic Committee, mga paaralan, sports personalities, lawmakers at iba pang government units para sa isang “Top-Level Consultative Meeting” sa Sept. 1-2 sa Century Park.
“The primary objective of all these activities is to roll out the calendar of nationwide sports activities and discuss and set up the system and structure of Philippine Sports Institute,” wika ni Ramirez.
Inaasahang dadalo sina POC president Peping Cojuangco, chairman Tom Carrasco, first vice president Joey Romasanta at second vice president Jeff Tamayo, International Olympic Committee representative to Philippines Mikee Jaworski, Juico, Mequi, Velasco at Canlas at si Presidential Adviser on Sports Dennis Uy.
- Latest
