Jones, Frazier pumirma na sa Pelicans
NEW ORLEANS - Pinalagda ng New Orleans Pelicans si free-agent forward Terrence Jones at pinanatili sa kanyang posisyon si guard Tim Frazier.
Pumirma si Jones, isang four-year veteran, ng one-year deal para sa NBA minimum salary na $1.14 milyon, habang lumagda naman si Frazier sa two-year deal na nagkakahalaga ng $4.1 milyon.
Inaasahang pormal na ilalabas ng Pelicans ang contract terms nina Jones at Frazier.
Ibinuhos ng 6-foot-9 na si Jones, kakampi ni Anthony Davis sa 2012 national championship team ng Kentucky, ang kanyang unang apat na NBA seasons sa Houston Rockets.
Nagtala si Jones ng mga career averages na 10.4 points at 5.8 rebounds para sa Rockets.
Nakita naman si Frazier sa 16 games para sa New Orleans sa nakaraang season at naglista ng mga averages na 13.1 points, 7.5 assists, 4.4 rebounds at 1.4 steals sa 29.3 minutes per game.
- Latest
