Batang Gilas yukod sa Taiwan
MANILA, Philippines - Nang maunahan ng Chinese-Taipei sa opeing period ay hindi na nakabangon ang Philippine team.
Yumukod ang Batang Gilas sa mga Taiwanese, 74-88, sa 2016 FIBA Asia U18 Championships sa Tehran, Iran.
Binanderahan ni Jonas Tibayan ang Nationals sa kanyang 15 points kasunod ang tig-9 markers nina Rendell Lee at JV Gallego ng tig-9 markers, habang kumolekta si John Bryle Bahio ng 8 points at 8 rebounds sa kanilang laro sa Group A.
Nalimitahan ang Batang Gilas sa 11 points sa kabuuan ng second quarter at ibinaon ng mga Taiwanese sa halftime hawak ang 20-point lead, 49-29.
Mula sa 25-point deficit ay nakalapit ang Batang Gilas sa 71-83 sa huling 3:07 minuto ng laro mula sa inihulog na 10-2 bomba.
Subalit ang triple ng Chinese-Taipei ang nagpalamig sa mainit na pagbangon ng Nationals.
Target ng Batang Gilas na makaabante sa top three ng torneo para makapaglaro sa 2017 FIBA World Under-19 Championship.
- Latest
