Alora makakatapat agad ang Olympic gold winner

MANILA, Philippines - Sumakay si Kirstie Elaine Alora, ang nag-isang atleta ng Pilipinas sa taek­wondo competitions ng 20­16 Olympic Games, sa de­legasyon na bibiyahe ng 25 oras patungo sa Rio de Janeiro via Dubai.

Sakay ng Emirates jum­bo jet, maraming iniisip ang 26-anyos na si Alora.

Mauuna siyang duma­ting sa Rio bago ang Aug. 5 opening ceremony, habang magsisimula ang taekwondo sa Aug. 20.

Ito ang unang Olympics ni Alora at sa kanyang ope­ning match sa +67 kg di­vision ay kaagad niyang ma­kakatapat ang 2008 Beijing Olympics gold me­da­list na si Maria Espinoza ng Mexico.

Naglaban na sina Alora at Espinoza sa isang torneo sa China matapos ang Beijing Olympics kung saan siya natalo, 1-2.

Sa Aug. 20 sa Carioca Arena 3 ng Barra Olympic Park ay muling maghaharap sina Alora at Espinoza. 

“I will be fighting the num­ber one in my cate­gory,” sabi ni Alora.

Hindi natatakot ang two-time bronze medalist sa Asian Games sa 28-anyos na si Espinoza.

Mula sa Beijing Olympics ay nagbalik si Espino­za noong 2012 Summer Games sa London bilang Me­xican flag-bearer.

Sa nasabing Olympics ay bronze medal lamang ang nakamit ng Mexican jin.

“Unang laban ko bak­ba­kan na agad,” sabi ni Alo­­ra, nakamit ang tiket sa Rio Olympics matapos ma­kuha ang silver medal sa Olympic Games Qualification Asia noong Abril sa Pasay City.