TNT katropang texters sumosyo sa liderato

Laro Ngayon

(Smart Araneta Coliseum)

4:30 p.m. – Globalport vs Star

6:45 p.m. – Ginebra vs Alaska

MANILA, Philippines - Naglaro ang TNT Ka­­tropa na wala ang mga may injury na sina Troy Rosario, Kelly Williams at Matt Ganuelas-Rosser.

Ngunit nariyan pa rin si point guard Jayson Castro para masandalan nila.

Kumolekta ang 5-foot-10 na si Castro ng 24 points, 7 boards at 5 assists para tulungan ang Tro­pang Texters sa 98-95 pagtakas sa Meralco Bolts sa 2016 PBA Governors’ Cup kagabi sa Smart Araneta Coliseum.

Ang ikalawang sunod na panalo ng TNT Katropa ang nagtabla sa kanila sa nagdedepensang San Mi­guel at Mahindra sa li­de­rato sa nagkakatulad nilang 2-0 baraha.

“You’d like them to be in the game The players now are trying to find their niche in the game. We’re playing pretty good defense. The guys here are doing their best to help us survive,” wi­ka ni coach Jong Uichico sa Tropang Texters.

Nag-ambag si Asian import Mike Madanly ng 14 points kasunod ang 13 ni offseason recruit Kris Ro­sales.

Ang matibay na depen­sa ng Tropang Texters ang naglimita kay Bolts import Allen Durham sa 14 points mu­la sa pilit na 6-of-16 fieldgoal shooting.

Nauna nang naglista si Durham ng average na 34 points sa unang dalawang panalo ng tropa ni mentor Norman Black.

Naimintis ni Meralco guard Jared Dillinger ang potensyal na three-point shot na siya sanang pumuwersa ng overtime.

Sa ikalawang laro, na­ka­bawi ang Rain or Shine mula sa 11-point deficit sa third quarter nang balikan ang Phoenix, 106-89.

TNT KATROPA 98 – Castro 24, Little 14, Ma­danly 14, Rosales 13, De Ocampo 9, Tautuaa 8, Reyes R. 6, Carey 5, Fo­nacier 5.

Meralco 95 – Hodge 18, Dillinger 15, Durham 14, Alapag 11, Jamshidi 10, Newsome 9, Hugnatan 8, Nabong 8, Buenafe 2, Caram 0, Faundo 0.

Quarterscores: 30-24; 50-52; 74-74; 98-95.

Rain or Shine 106 - Low­horn 26, Quiñahan 18, Norwood 14, Cruz 13, Lee 11, Ahanmisi 8, Ma­tias 4, Tiu 3, Trollano 3, Almazan 2, Belga 2, Pon­ferada 2, Chan 0, Ni­mes 0.

Phoenix 89 - Torres 16, Caperal 12, Buenafe 10, Baguio 9, Wilson J. 8, Enciso 7, Hee 7, Simmons 7, Cruz 6, Lanete 4, Borboran 3, Miranda 0, Pennisi 0.

Quarterscores: 23-19; 47-44; 65-74; 106-89.