Hongitan umaasang mabibigyan ng wild card sa Rio
MANILA, Philippines - Umaasa si dating Palarong Pambansa multi-gold medalist Kareel Hongitan na mabibiyayaan ito ng wild card sa archery competition ng 2016 Olympic Games na gaganapin sa Rio de Janeiro, Brazil sa Agosto.
Bigo si Hongitan na makahirit ng tiket sa Rio Games matapos kapusin sa kanyang kampanya sa World Cup-Final Olympic Qualifying Tournament na ginanap sa Antalya, Turkey kamakailan kung saan umabot lamang ito sa fourth round.
Ngunit may tsansa pa itong makapaglaro sa Olympics dahil anim na slots pa--tatlo sa babae at tatlo sa lalaki--ang ipapamahagi ng World Archery Federation (WAF) upang makumpleto ang 128-man field.
Maaari pa itong madagdagan sa oras na may mag-backout na manlalarong nauna nang nagkwalipika o patawan ng diskwalipikasyon ng world governing body.
Inaasahang ilalabas na ng WAF ang pinal na listahan sa susunod na buwan.
- Latest
