2 gold medals inangkin ng mga karatekas sa Vietnam

MANILA, Philippines – Tinapos ng national ka­ratedo team ang kampan­ya tangan ang dalawang ginto, tatlong pilak at apat na tansong medalya sa pagt­iklop ng 2016 Vietnam Open Karatedo Championship kahapon sa Thanh Hoa Sport Training and Competition Center sa Vietnam.

Bigo ang mga Pinoy ka­ratekas na makapagdag­dag ng medalya sa hu­ling araw ng kompetisyon nang mabigo sina Rexor Ro­manquin (men’s kumite 67 kgs.) at Bryan Fontillas (men’s kumite 84 kgs.) sa ka­ni-kanilang laban.

Una nang nakatiyak ng ginto sina John Enrico Vas­quez sa cadet male kata division at Jaime Enrique Villegas sa male individual kata junior.

May pilak sina Cris Ka­waen (male individual kata junior), World Shoto Cup Karate Championships gold medalist Orencio James Delos Santos (men’s individual kata) at Randy Stefano Padua Jr. (individual kumite male 76 kgs. junior).

Ang mga tanso ay ga­ling kina Leigh Angela Cuadra (female individual kumite junior 59 kgs at female individual kata junior), Andrei Mel Dela Cruz (male individual kumite cadet) at Angel Aguilar (female in­dividual kumite junior -53 kgs.).

Nilahukan ang torneo ng Malaysia, Thailand, Hong Kong, Japan, South Ko­rea, Indonesia, Macau, Laos at host Vietnam.

Nalampasan ng mga Pinoy karatekas ang isang pilak at apat na tansong medalyang nakamit sa nakalipas na edisyon.

“We’ve surpassed our medal target,” wika ni PKF secretary general Raymund Lee Reyes.