Gilas cadets hari sa SEABA
MANILA, Philippines – Hindi na pinakawalan ng Gilas cadets team ang pagkakataon.
Matapos mahirapan sa kanilang ‘no bearing’ game kamakalawa, tuluyan nang pinabagsak ng Gilas cadets ang Thailand, 97-80, para angkinin ang korona ng 2016 SEABA Stankovic Cup kagabi sa Stadium 29 sa Bangkok, Thailand.
Kumamada si Troy Rosario ng 17 points para sa kumbinsidong panalo ng tropa ni coach Nash Racela matapos ang kanilang one-point win, 63-62, laban sa Thai squad sa elminations.
Isang 1-0 atake ang sinindihan nina Jio Jalalon at Mac Belo para ilista ang 79-66 abante sa fourth quarter matapos makalapit ang Thailand sa 66-69 agwat.
Tumapos si Jalalon na may 16 points at 7 rebounds, habang nagdagdag si Belo ng 14 markers .
“Well done. You played with character, pride and heart. The future of Philippine basketball in good hands,” sabi ni Samahang Basketbol ng Pilipinas president Manny V. Pangilinan sa kanyang official Twitter account na @iammvp.
Nag-ambag si Mike Tolomia ng 12 points kasunod ang 11 ni Almond Vosotros at 10 ni Roger Pogoy.
Dahil sa pagiging top two finishers ay maglalaro ang Gilas cadets at Thailand sa FIBA Asia Challenge sa Setyembre sa Iran.
- Latest
