Thunder tutuluyan ang Warriors sa Game Six
OKLAHOMA CITY — Ayaw ni coach Billy Donovan na isipin ng Thunder ang mangyayari matapos ang Game Six.
Ayon kay Donovan, dapat munang isipin ng Oklahoma City ang kanilang gagawin laban sa Golden State Warriors.
“That’s really what it comes down to. You can get caught up in thinking about the future and what the results mean at the end of the game,” wika ni Donovan. “But the bottom line is the result at the end of the game will happen, and what you don’t want to do is be focused on the result and forget to do your job during the course of 48 minutes.”
Ang tagumpay ang mag-aakay sa Thunder sa NBA Finals sa unang pagkakataon matapos noong 2012.
Kung matatalo naman ay mapupuwersa ang Thunder ng Warriors na maglaro sa Game Seven sa Oakland.
Natalo ang defending champion ng tatlong beses sa sarili nilang tahanan ngayong season.
Kinuha ng Thunder ang Game Three, 133-105, kung saan nila dinuplika ang franchise record para sa pinakamaraming puntos sa isang playoff game.
Muling nanalo ang Thunder sa Game Four, 118-94, para makalapit sa inaasam na finals appearance.
“It will take all of our IQ, all of our gamesmanship, and just 48 great minutes to get a win down there, considering how the last two games have gone,” wika ni Warriors’ superstar guard guard Stephen Curry.
Nakaiwas ang Golden State sa pagsibak ng Oklahoma City nang angkinin ang Game 5, 120-111, sa Oakland noong Huwebes para makalapit sa 2-3.
Ang rebounding ang naging istorya sa serye.
Sa tatlong panalo ng Thunder sa Warriors serye ay dinomina nila ang rebounding.
Ang Oklahoma City ang top rebounding team sa regular season.
- Latest