Gonzaga-Bautista tandem paborito sa PSL beach volley
MANILA, Philippines - Magtatagisan ang pinakamahuhusay na beach volleyball players sa bansa sa pagpalo ng 2016 Philippine Superliga (PSL) Challenge Cup beach volleyball tournament bukas sa Sands at SM By the Bay sa Pasay City.
Nangunguna sa mga hahataw sina Jovelyn Gonzaga at Nerissa Bautista ng RC Cola-Army na isa sa pinapaborang magkampeon sa edisyong ito dahil sa kanilang malalim na karanasan sa beach volleyball.
“It will be a very tough battle. Nakikita natin na hindi basta-basta ang mga teams. And we need to work double-time because we just came from a two-week break, so hindi talaga s’ya madali. All teams are very strong,” wika ni Gonzaga na three-time Nestea Beach Volley titlist.
Tinukoy nito ang Foton at F2 Logistics sa kanilang magiging matinding karibal sa titulo.
Babanderahan ang Toplander nina Cherry Rondina at Patty Orendain habang ang Cargo Movers ay pamumunuan ni reigning champion Danika Gendrauli kasama ang bagong kapares na si Aby Maraño.
Sasabak din sina Norie Jane Diaz at Pau Soriano ng Philippine Navy-A, Bang Pineda ar Aiza Maizo-Pontillas ng Petron XCS, Florence Madulid at Pauline Genido ng Philippine Navy-B, Maica Morada at Ces Molina ng Petron Sprint 4T, Vhima Condada at Mary Grace Berte ng Cignal Team Awesome, Jeannie Delos Reyes at Genie Sabas ng RC Cola-Army-B, Aileen Abuel at Princess Listana ng Accel Quantum Plus, Jasmine Alcayde at Angelica Dacaymat ng UE-Manila, Shaira Hermano at Niella Ramilo ng Mapua, Bernadeth Pons at Kyla Atienza ng FEU-Petron, at April Ross Hingpit at Jonafer San Pedro ng Meralco.
Sa men’s division, lalaro sina Madsairi Nur-amin at Roldan Medino ng Philippine Navy-A, Pajiji Alsali at Milover Parcon ng Philippine Navy-B; Rey Taneo at Reylan Taneo ng Cignal Team Awesome, Philip Bagalay at Paul John Cuzon ng Wayuk, Arjay Salcedo at Bobby Gartidula ng IEM, Geric Rodmar Ortega at Ruvince Abrot ng UE-Manila, Joshua Barrica at Jude Garcia ng FEU-A, Rikko Mamerto at Kevin Hadlocon ng FEU-B at sina Daniel Young at Tim Young ng SM By the Bay.
- Latest
