Pinatalsik ang Clippers Blazers ikinasa ang semis vs Warriors
PORTLAND, Ore.- Itinakda na ng Trail Blazers ang kanilang semifinals series ng reigning NBA champion Golden State Warriors sa Linggo.
Umiskor si guard Damian Lillard ng 28 points at nagmartsa ang Trail Blazers sa Western Conference semifinals matapos talunin ang Los Angeles Clippers, 106-103, sa Game 6 at tapusin ang kanilang first-round playoff series sa 4-2.
Nag-ambag si CJ McCollum ng 20 points para sa Blazers, naging unang koponan na nakabangon mula sa 0-2 deficit makaraan ng Memphis Grizzlies laban sa Clippers sa first round noong 2013.
Tumipa si Jamal Crawford ng 32 points sa panig ng Clippers kasunod ang 21 ni Austin Rivers na naglaro sa kabila ng 11 tahi sa kanyang kaliwang mata matapos ang isang banggaan sa first quarter.
Hindi na nakabawi ang Clippers sa mga injuries kina Chris Paul at Blake Griffin sa Game 4 ng serye.
Sa kabila nito ay hindi kaagad sumuko ang Los Angeles sa final game kung saan hindi nila hinayaang makapagtala ang Portland ng double-digit lead.
Sa Charlotte, kumamada si Dwyane Wade ng 10 sa kanyang 23 points sa fourth quarter para igiya ang Miami Heat sa 97-90 panalo kontra sa Hornets at itabla sa 3-3 ang kanilang serye.
Nagdagdag si Luol Deng ng 21 points, habang naglista si Goran Dragic ng 14 points at 7 rebounds para sa Heat, pamamahalaan ang Game 7 sa Linggo.
Sa Sa Indianapolis, nagpsabog si Paul George ng 21 points, habang may 15 si Myles Turner para sa 101-83 pananaig ng Indiana Pacers laban sa Toronto Raptors at itulak ang Game Seven sa kanilang serye.
Ang Game 7 ay gagawin sa Toronto sa Linggo at ang mananalo ang papasok sa Eastern Conference semifinals.
- Latest