Bagalay, Cuzon tandem nagparamdam agad
BORACAY, Philippines--Kaagad nagparamdam ng kanilang layunin ang Mapua sa 19th Nestea Beach Volleyball Tournament matapos magtala ng dalawang panalo at ang isa rito ay ang two-set win sa defending men’s champion University of Southern Philippines Foundation.
Pinatumba nina Philip Bagalay at Paul John Cuzon, ang reigning NCAA beach volley kings, ang University of San Jose Recoletos pair nina Alestair Ian Gairanod at Kent Jay Verbosidad, 13-21, 23-21, 15-8.
Sa kanilang pagbabalik sa laro ay giniba naman nina Bagalay at Cuzon ang top-seeded USPF pair nina Jon Derrick Reyes at Left Jhon Tormis, 21-14, 21-15.
Samantala, binigo nina UST Tigresses Cherry Rondina at Jem Nicole Gutierrez sina University of Negros Occidental-Recoletos’ Erjane Magdato at Alexa Polidario, 24-26, 21-8, 15-9, para simulan ang kanilang title-retention campaign.
Umabante rin sa third round ng winner’s bracket sina Holy Cross
Davao’s Calvin Sarte at Brendon John Wariza nang biguin ang Colegio
San Agustin, 21-17, 21-19, at Lyceum Batangas, 21-15, 21-9.
- Latest
