Kahit hindi naglaro sina Johnson at Rosario Texters umiskor sa Elite
MANILA, Philippines – Naglaro ang nagdedepensang Talk ‘N Text na wala sina import Ivan Johnson (one-game suspension) at No. 2 overall pick Troy Rosario (injury).
Humataw naman si Carlo Lastimosa ng game-high na 39 points, tampok ang 4-of-7 shooting sa three-point range para sa Blackwater.
Ngunit hindi ito sapat para mapigilan ang koponan ni coach Jong Uichico sa pagtatala ng kanilang unang panalo sa 2016 PBA Commissioner’s Cup.
Tumipa si veteran guard Jayson Castro ng isang mahalagang 3-pointer sa huling 54 segundo para igiya ang Tropang Texters sa 108-102 pagtakas sa Elite kagabi sa Smart Araneta Coliseum.
Napatawan si Johnson ng one-game suspension dahil sa pagtulak sa mukha ni JP Erram at pagsuntok kay Frank Golla sa kanilang tune-up game ng Blackwater, habang ipinahinga naman ni Uichico si Rosario.
“Mabuti at nakalusot nang walang import. So credit to the players dahil maski walang import laban pa rin sila,” wika ni Uichico sa kanyang mga bataan.
Sa unang pagkakataon matapos magkaroon ng back injury tatlong buwan na ang nakakaraan ay humataw si Ranidel De Ocampo ng 20 points, 4 rebounds at 3 assists.
Inilista ng Blackwater ang pinakamalaki nilang abante sa 17-11 sa 7:10 minuto ng first period hanggang mabaon sa 14-point deficit, 90-76, sa 9:31 minuto ng fourth quarter.
Ngunit nagawa pa rin ng Elite na makadikit sa 102-103 agwat galing sa dalawang free throws ni import MJ Rhett sa huling 1:11 minuto ng sagupaan.
Nagsalpak si Castro ng krusyal na tres para sa 106-102 kalamangan ng Tropang Texters sa natitirang 54 segundo.
Talk ‘N Text 108 - Castro 22, De Ocampo 20, Reyes R.16, Tautuaa 16, Williams 9, Rosser 8, Fonacier 7, Carey 6, Reyes J. 4, Ababou 0, Aban 0, Nuyles 0.
Blackwater 102 - Lastimosa 39, Rhett 16, Cervantes 15, Cortez 14, Dela Cruz 11, Reyes 3, Gamalinda 2, Golla 2, Bulawan 0, Canada 0, Erram 0, Tiongson 0.
Quarterscores: 29-26; 52-44; 83-72; 108-102.
- Latest
