Ateneo, La Salle target ang win No. 3
MANILA, Philippines – Pakay ng defending two-time champion Ateneo de Manila University at De La Salle University na mapatatag ang kapit sa liderato sa pakikipagtipan sa hiwalay na bakbakan ngayong hapon sa UAAP Season 78 women’s volleyball tournament sa Mall of Asia Arena sa Pasay City.
Makakasagupa ng Lady Eagles ang Far Eastern University Lady Tamaraws sa unang laro sa alas-2 at makakatipan ng Lady Spikers ang National University Lady Bulldogs sa alas-4.
Magkasalo ang Ateneo at La Salle sa liderato sa magkaparehong 2-0 rekord.
Kinailangan ng Ateneo ng malakas na puwersa para pigilan ang University of Santo Tomas, 25-22, 25-20, 21-25, 25-15, noong Sabado.
Kinakailangan ng Ateneo na mapatatag pa ang depensa partikular sa reception upang magbigyan ng magandang set up sina Valdez, utility spiker Amy Ahomiro, Bea de Leon at Maddie Madayag.
Bumangon ang FEU sa masaklap na kabiguan sa opening day nang itarak nito ang 25-18, 25-11, 21-25, 25-14 panalo kontra University of the East.
- Latest
