Sa pagpuntirya ni Bradley sa kanyang kanang balikat Pacquiao dapat maging preparado

MANILA, Philippines – Ngayon pa lamang ay da­pat may naisip nang pa­raan si chief trainer Freddie Roach para maidepensa ni Manny Pacquiao ang kanyang kanang balikat kay Ti­mothy Bradley, Jr.

Sinabi ni Justin Fortune, ang strength and conditio­ning coach ni Pacquiao, da­pat maging handa ang Fi­lipino world eight-division champion sa estratehiyang gagamitin ni Bradley.

Sa naunang panayam ay sinabi ng 33-anyos na si Bradley na pupuntiryahin niya ang inoperahang ka­nang balikat ng 37-anyos na si Pacquiao sa kanilang ikatlong pagkikita sa Abril 9 sa MGM Grand sa Las Ve­gas, Nevada.

Ngunit bago ito isipin ni Bradley ay kailangan mu­­na niyang maabutan ang mailap na si Pac­quiao.

“You actually have to be able to catch Manny too, it’s not easy just to ‘hit him in the shoulder.’ So I don’t really think much of it. The surgery that he had, and the person that did the surgery is one of the best in the world,” wika ni Fortune.

“We’ll be prepared for whatever Tim brings,” dagdag pa nito.

Matatandaang inope­rahan ang torn rotator cuff injury ni Pacquiao sa kanyang kanang balikat limang araw matapos matalo kay Floyd Mayweather, Jr. no­ong Mayo 2.

Bago ang kanilang two-city press tour ni Bradley ay bumisita si Pacquiao sa kanyang surgeon sa Los Angeles kung saan si­­ya binigyan ng ‘go signal’ matapos suriin ang kanyang kanang balikat.

Kasalukuyan nang nag­papakondisyon si Pac­quiao para sa kanyang si­nasabing magiging pi­na­­kahuling laban bago tu­l­uyang magretiro at tutukan ang kanyang political ca­reer.

“Pacquiao just needs to be prepared as best as he possibly can because Timothy will be exactly the same,” wika ni Fortune.

“These guys don’t change after 30, 40 fights. You don’t change them. They might change for 8 rounds but once they get hit they’ll go back to exactly the same thing that’s worked for them for the last 40 fights. Regardless, that’s just the way it is. It happens to everybody and this one’s the same,” dagdag pa nito.

Tinalo ni Bradley si Pac­quiao sa una nilang pagkikita noong Hunyo ng 2012 ba­go nakabawi si ‘Pacman’ sa kanilang rematch noong Abril ng 2014.