Para talunin ni Pacquiao si Mayweather Roach tamang diskarte gagawin
MANILA, Philippines - Nagsimula na ang trash talking sa pagitan ng mga humahawak kina Manny Pacquiao at Floyd Mayweather Jr.
Minaliit ni Freddie Roach ang galing ng ama ng pound for pound king na si Floyd Sr. kaya’t kumbinsido siyang mananalo sila ni Pacman sa laban sa Mayo 2 sa MGM Grand Arena sa Las Vegas.
Ayon kay Roach, nagpapanalo si Mayweather dahil sa galing ng tiyuhin na si Roger.
“Floyd got 90 percent of his wins with Roger working with him. Roger is way better. I think Floyd Sr. is a terrible cornerman. I really do,” wika ni Roach.
Ganti ito ni Roach matapos ihayag ng nakatatandang Mayweather na madaling laban ito para sa kanyang anak na hanap ang ika-48 sunod na panalo.
“This fight here will be one of my son’s easiest fights,” ani Mayweather Sr.
Tinuran ni Roach na magaling si Mayweather pero ito ay dahil likas na magaling at talagang nagtitiyaga sa pagsasanay.
“You have to give him a ton of credit. He has great talent, but he’s extremely smart in the ring. He knows what he’s doing; he’s a self-made guy,” dagdag ni Roach.
Kaya nga aminado si Roach na kailangang maging maganda ang gagawing diskarte nila kay Pacquiao para makuha ang hanap na mahalagang panalo.
Ang mga titulo sa WBC, WBA at WBO welterweight division ang paglalabanan sa pinakasasabikang laban sa kapanahunang ito.
Wala ring rematch ito kaya’t ang mananalo ay tunay na maipagmamalaki na siya ang pinakamahusay sa kanilang dalawa. (AT)
- Latest
