Basketball, tennis sa PSA Forum
MANILA, Philippines – Ang mga national teams ng basketball at tennis ang babandera sa special session ng Philippine Sportswriters Association (PSA) Forum sa Shakey’s Malate.
Gagawin ni Gilas Pilipinas coach Tab Baldwin ang kanyang unang public appearance sa weekly forum sa pagtalakay niya sa mga plano at programa ng national men’s team na maghahanda para sa FIBA-Asia Men’s Championship na magsisilbing qualifier sa 2016 Rio Olympics.
Makakasama niya si Samahang Basketbol ng Pilipinas (SBP) Deputy Executive Director for International Affairs Butch Antonio.
Pamumunuan naman ni administrator Randy Villanueva sa session na isinasere sa DZSR Sports Radio 918 at inihahandog ng San Miguel Corp., Accel, Shakey’s at ng Philippine Amusement and Gaming Corp. ang Phl Davis Cup team.
Dadalo din sa sesyon sina Azkal player Chieffy Caligdong, Pru Life UK’s Belle Tiongco at Spears-Sports president Albert Almendralejo para sa Football For A Better Life Program.
- Latest
