Alaska umangat sa 2-1
Laro Ngayon
(Mall of Asia Arena,
Pasay City)
7 p.m. San Miguel Beermen vs Talk N’Text Tropang Texters
MANILA, Philippines - Inilabas ni Calvin Abueva ang pinakamagandang laro sa conference para pangunahan ang Alaska sa 98-74 panalo laban sa Rain or Shine at hawakan ang 2-1 kalamangan sa PBA Philippine Cup semifinals kagabi sa Mall of Asia Arena sa Pasay City.
Tumapos ang 6’3 guard taglay ang conference high 28 puntos mula sa 9-of-14 shooting, upang itambal sa 14 rebounds at tatlong steals kahit hindi starter ng Aces.
Bukod sa bangis ni Abueva, malaking bagay din ang offensive rebounding ng Aces na pinamahalaan ni Eric Menk habang ang mga buslo galing kina Cyrus Baguio, RJ Jazul, Chris Banchero at Jayvee Casio ang nagpanatili sa RoS na nakabaon sa kabuuan ng labanan.
Sa unang minuto ng first period lang nakaporma ang Elasto Painters nang kunin ang unang apat na puntos bago rumatsada na ang Aces.
Angat pa sa 10-7 ang RoS nang ipasok si Abueva at nagkalat ito ng siyam na puntos para pagningasin ang 17-2 palitan tungo sa pagtangan ng 24-12 lead.
Mula rito ay hindi na nakabangon pa ang Elasto Painters na nakitang napatalsik sa laro sa ikatlong yugto sina coach Yeng Guaio at Beau Belga dahil sa kanilang ikalawang technical fouls.
Samantala, ilalapit ng San Miguel Beermen ang sarili sa puwesto sa finals sa pag-asinta ng mahirap na matinag na 3-0 kalamangan kontra sa Talk ‘N Text Tropang Texters ngayong gabi sa Game Three ng kanilang semis series.
Alaska 94 - Abueva 28, Menk 13, Baguio 11, Casio 11, Manuel 6, Banchero 5, Thoss 5, Hontiveros 5, Jazul 5, Dela Cruz 5, Eman 0, Dela Rosa 0, Exciminiano 0.
Rai or Shine 78 - Almazan 20, Lee 14, Belga 9, Norwood 8, Chan 6, Cruz 6, Ibañes 5, Quiñahan 4, Uyloan 3, Araña 2, Tang 1.
Quarterscores: 24-12, 42-27, 65-57, 94-78.
- Latest
