Beermen muling makikisalo vs B-Pier

MANILA, Philippines – Ang 10 panalo ang sisiguro sa isang koponan ng isa sa dalawang outright semifinals ticket.

Kaya naman ito ang ha­ngad ng San Miguel sa pagsagupa sa Globalport nga-yong alas-4:15 ng hapon kasunod ang banggaan ng Rain or Shine at NLEX sa alas-7 ng gabi sa 2014-2015 PBA Philippine Cup sa Smart Araneta Coliseum.

Kasalukuyang nasa three-game ang Beermen, ang huli nilang giniba ay ang Kia Sorento, 90-74, kung saan humakot ang 6-foot-10 na si June Mar Fajardo ng 36 points at 17 rebounds.

Muling sinolo ng Alaska ang liderato sa kanilang 7-1 record kasunod ang San Miguel (6-1), Rain or Shine (5-2), Ginebra (5-3), Talk ‘N Text (5-3), nagdedepensang Purefoods (4-3), Globalport (4-4), Meralco (4-4), NLEX (3-4), Barako Bull (2-6), Kia (1-7) at Blackwater (0-8).

Bukod kay Fajardo, aasa rin ang Beermen kina MVP Arwind Santos, Chris Lutz, Sol Mercado at Marcio Lassiter.

Hangad naman ng Ba­tang Pier ni mentor Pido Jarencio na makabawi sa 84-87 kabiguan sa Alaska Aces noong Sabado sa Cagayan De Oro City.

Sa ikalawang laro, pupuntiryahin din ng Rain or Shine ni Yeng Guiao ang kanilang pang-apat na sunod na ratsada sa pagtapat sa NLEX ni Boyet Fernandez.