Pierce, Wall humataw sa panalo ng Wizards
MILWAUKEE – Umaasa si Washington Wizards coach Randy Wittman na magiging maganda pa ang ilalaro ng kanyang koponan para maging title contender.
Sumandal kina John Wall at Paul Pierce at nakabangon mula sa 15-point deficit sa first half, niresbakan ng Wizards ang Milwaukee Bucks, 111-100.
Pinangunahan ni Pierce ang Wizards sa kanyang 25 points, samantalang nagtala si Wall ng 19 points at 9 assists.
Sinabi ni Wittman na nadismaya siya sa kanilang naunang pagkatalo sa Cleveland Cavaliers.
“We threw the ball over the place to start the game,” wika ni Wittman. “We were able to right the ship late in the second quarter. In years past, we may not have been able to recover. ”
Tangan ng Washington ang ikalawa sa pinakamagandang record ngayon sa Eastern Conference sa kanilang 9-3 baraha.
Kinontrol ng Wizards ang laro nang umiskor ng 19 points kumpara sa 8 ng Bucks sa pagsisimula ng fourth quarter at kinuha ang 93-78 abante nang isalpak ni Bradley Beal ang isang 17-foot jumper sa 7:15 minuto nito.
Nakalapit ang Milwaukee sa 97-104 agwat sa 2:13 minuto mula sa jum-per ni Ersan IIyasova kasunod ang 19-foot jumper ni Pierce para muling ilayo ang Washington sa 106-97 sa huling 1:13 minuto.
Inagaw ni Wall ang inbounds pass para sa kanyang dunk sa 1:10 minuto para selyuhan ang panalo ng Wizards. Nagdagdag si Beal ng 17 points.
Sa iba pang laro, tinalo ng Phoenix Suns ang Indiana Pacers, 106-83; nalusutan ng Miami Heat ang Orlando Magic, 99-92; pinayuko ng Toronto Raptors ang Cleveland Cavaliers, 110-93; namayani ang Houston Rockets sa Dallas Mavericks, 92-95.
- Latest