ROS giniba ang Kia
Laro Bukas
(Smart Araneta Coliseum)
4:15 p.m. Alaska vs Meralco
7 p.m. Globalport vs Purefoods
MANILA, Philippines - Nagsalpak si Paul Lee ng tatlong magkakahiwalay na three-point shot sa fourth quarter at hindi na binitawan ng Rain or Shine ang kanilang double-digit win para patumbahin ang Kia Sorento, 117-88, sa 2014 PBA Philippine Cup kagabi sa Smart Araneta Coliseum.
Ito ang ikalawang dikit na panalo ng Elasto Painters ni mentor Yeng Guiao kasabay ng pagpapalasap sa Sorento ni playing coach Manny Pacquiao ng kanilang pangalawang sunod na kabiguan matapos manalo sa kanilang debut game.
“We’re just trying to regain our chemistry, our confidence back. And this is the way to do it,” sabi ni Guiao.
Nagposte si Lee ng 22 points at 4 rebounds para banderahan ang Rain or Shine na may 2-1 record sa ilalim ng Barangay Ginebra (2-0), San Miguel (2-0), Meralco (2-0) at Alaska (2-0).
Kasalukuyan pang naglalaro ang Gin Kings at ang NLEX Road Warriors habang isinusulat ito.
Mula sa 25-13 bentahe sa first period ay pinalobo ng Elasto Painters ang kanilang kalamangan sa 19-points, 47-28, kontra sa Sorento mula sa 3-pointer ni Jeric Teng.
Bago ang laro ay tinawagan ni Pacquiao ang Kia mula sa kanyang training camp sa General Santos City at binilinan ang koponan na gawin ang lahat para manalo.
Ngunit hindi ito hinayaan ng Rain or Shine na mangyari.
Ikinasa ng Elasto Painters ang malaking 29-point advantage, 96-67, galing sa basket ni Lee sa 8:10 minuto ng final canto.
At mula rito ay hindi na nakabangon ang Sorento.
Rain or Shine 117 - Lee 22, Belga 16, Tang 15, Cruz Jericho 12, Teng 12, Cruz Jervy 12, Uyloan 10, Quinahan 6, Almazan 6, Ibanes 4, Chan 2, Norwood 0.
Kia 88 - Cervantes 18, Padilla 17, Revilla 10, Lingganay 10, Thiele 7, Dehesa 4, Alvarez 4, Pascual 4, Raymundo 4, Buensuceso 3, Alonzo 2, Saldua 2, Burtscher 2, Ighalo 1, Bagatsing 0.
Quarterscores: 36-25; 59-46; 81-65; 117-88.
- Latest
