Algieri babagsak kay Pacquiao - Roach
MANILA, Philippines - Dalawang beses napabagsak ni Ruslan Provodnikov si Chris Algieri sa first round bago naitakbo ng American fighter ang isang split decision win para agawin sa Russian ang suot nitong World Boxing Organization light welterweight belt noong Hunyo.
Marami ang nagsasabing mahina ang panga ng 5-foot-10 na si Algieri at ito ay kayang patumbahin ng 5’6 na si Manny Pacquiao.
Ngunit ayaw magkumpiyansa ng 35-anyos na WBO welterweight champion.
“We cannot go into the fight thinking about the knockout. A knockout will not change the result of the fight as long as we get the win,” wika ni Pacquiao.
Huling nakapagtala si Pacquiao ng KO victory noong Nobyembre 14, 2009 nang pigilin si Miguel Cotto sa 12th round para agawin sa Puerto Rican ang suot nitong WBO welterweight title.
“What we are trying to do right now is to get the focus in training and for the fight that people want to see. Chris Algieri is a very dangerous fighter and we are taking nothing for granted in this training camp,” sabi ni ‘Pacman’.
Itataya ni Pacquiao (56-5-2, 38 KOs) ang kanyang suot na WBO welterweight title laban kay Algieri (20-0-0, 8 KOs) sa Nobyembre 22 sa The Venetian sa Macau, China.
Umaasa naman si chief trainer Freddie Roach na mapapabagsak ni Pacquiao si Algieri.
“I would love to see a knockout. I think at 147 he is a little smaller than most of the 147-pounders out there. We have to feed him five times a day for him to make that weight,” wika ni Roach.
Maglalaban sina Pacquiao at Algieri sa catchweight 144 pounds na sinasabing magbibigay ng bentahe sa Sarangani Congressman.
“This fight is at 144 (pounds) and I think his power will come back. I see a knockout coming for sure,” sabi ni Roach kay Pacquiao.
- Latest