UAAP Men’s Basketball La Salle, FEU muling makikisalo sa itaas

STANDINGS          W   L

Ateneo                                    7    2

La Sale                                     6    2

FEU                                            6   2

NU                                             6   3

UST                                           4    4

UE                                             4    5

UP                                             1    7

Adamson                0    9

Laro Ngayon

(Mall of Asia Arena)

2 p.m. La Salle vs UP

4 p.m. UST vs FEU

MANILA, Philippines - Muling pipilitin ng Green Archers at ng Tamaraws na makisalo sa Blue Eagles sa liderato.

Lalabanan ng nagde­de­pensang De La Salle University ang University of the Philippines ngayong alas-2 ng hapon kasunod ang pagharap ng Far Eas­tern  University at University of Sto. Tomas sa alas-4 sa second round ng 77th UAAP men’s basketball tournament sa Mall of Asia Arena sa Pasay City.

Hawak ng Ateneo De Manila University ang lide­rato sa kanilang 7-2 record kasunod ang La Salle (6-2), FEU (6-2) at National University (6-3).

Pupuntiryahin ng Green Archers ang kanilang pang-pitong sunod na panalo matapos simulan ang torneo sa 0-2.

Nanggaling ang La Sall­e sa malaking 88-86 pag­takas sa Ateneo kung saan humakot si Jeron Teng ng season-high 32 points, 6 rebounds at 5 assists.

Matapos namang wa­kasan ang kanilang 27-game losing skid ay muling nakatikim ng kabiguan ang UP nang yumuko sa University of the East, 48-68.

“We don’t look at the team. Our attitude is always the same,” sabi ni head coach Juno Sauler sa pagtrato ng kanyang Green Archers sa Fighting Maroons.

Sa ikalawang laro, tar­get ng Tamaraws ang ka­nilang ikaapat na sunod na panalo sa pagharap sa Tigers.

Umiskor ang FEU ng 74-70 overtime win kontra sa NU, habang nailusot naman ng UST ang 61-59 panalo laban sa Adamson University.